Nacionalismo

NACIONALISMO

Todo alemám é nacionalista, agás os judeus; mais os judeus, som alemãs? O cal equivale a dizer: todo alemám é alemám. Será o que seja e terá as ideias que tenha, sempre será alemám. O nacionalismo poderá estar acochado debaixo de ideologias, doutrinas e programas; mais chegamos a umha questom prática, e dum jeito ou doutro, o nacionalismo aparece. Perguntai-lhe polas dêvedas da guerra a um casco de aceiro, a um comunista, a um nacional-socialista: todos vos responderam igual: nom pagar. Perguntai-lhe a um centralista, a um social-democrata, a um populista: dirám-vos que haverá que pagar, mais que nom é justo.

Partidarismo, revoluçom, o que se queira; por adentro:Deutschland über alles!

Entre nós, em Galiza, mira-se mal o nacionalismo alemão, por ser imperialista e centralista. Mais compre considera-lo caso, para que se vexa bem que o nacionalismo alemão nom pode inspirar nem justificar um nacionalismo espanhol do mesmo jeito. Na Espanha há quatro naçons, étnica e lingüisticamente diferentes: umha céltiga, outra basca e duas ibéricas, ainda que falando línguas distintas. Na França acontece o mesmo: há umha naçom céltiga, outra basca, outra provençal, outra alemã, etc. Na Alemanha nom acontece semelhante cousa: Alemanha enteira, com Áustria e com diversas minorias nacionais nas terras vizinhas, constitui umha soa naçom com unidade étnica e lingüística. Os alemãs tenhem direito a confundirem a naçom co Estado, porque é co Estado alemão; os espanhóis nom tenhem direito a confundirem a naçom co Estado castelão, nem os franceses. O caso é outro enteiramente, e nom pode servir de regra para os nossos países, mais que dum jeito enteiramente diferente, ou seja reivindicando um Estado para cada umha das naçons espanholas e francesas. Somente deste jeito haveria umha consciência real da naçom co Estado; doutro jeito nom a haverá endejamais.

Nenhum comentário: